<typolist>

Kua tae te kapikianga papu tikai a te Atua kia Hamish Crooks, kia tauturu aia i te au tangata Maori Nutireni e te Patipika, tei kite ratou i te turanga ngere i roto i to ratou oraanga; te tumu, kia rauka ia ratou tetai kite karape i te pae o te komupiuta.

No reira aia i akatupu ei i tana trust tei karanga'ia e, ko te Matagi E Fa (ko te au matangi e 'a); kua taina katoa aia i tetai koreromotu no te angaanga kapiti atu ki tetai kamupani komupiuta Marike ko Cisco te ingoa, tei tu i te manga i roto i te au basileia keke.

I teia taime, kua akamata'ia tetai apii komupiuta i Te Kaha, Ruatoria, e Gisborne, na roto i tetai au putuputunga tei kapiti'ia mai ki te kamupani i taiku'ia i runga. I roto ia Okotopa i teia mataiti i topa, kua akamata te apii komupiuta mua a te Trust i te pae tonga o Akarana, i ko i te Tangaroa College i Otara.

Me pati ana te au tamariki apii i teia apii (e 280 ora te roa), ka rauka i reira to ratou pepa o te maani atuitui'anga komupiuta (computer systems engineering). Ko te manakonako'anga no teia au tuatau ki mua, kia akatupu'ia tetai au kamupani rikiriki e te Maori Nutireni e te Patipika.

</typolist>