Policy Paper (Tokelau Version)
Leadership
for Mission (Tokelau)
Kupu Tomua
E valakaulia e te Atua te lotu ke galulue fakatahi, mo te galuega a te Atua i te lalolagi. Kua leva te hafia e te lotu, ko te galuega e mafai ke fakataunuku kafai e lelei na takitakiga. Kona takitakiga i te lotu e fakaalia ai te ata o te lotu i ana tu ma ana taofi.
Mai te taimi na pa mai ai te Tala Lelei kite Pahefika, ko te lotu nae fehoahoani ki tagata Pahefika, ke galulue mo te galuega a te Atua. Nae fakataua te tofi o te Faifeau. Ko ia te fai lauga i te Kupu a te Atua ma fakataunuku e ia na Hakalameta, Ko te faifeau te kaukauna e kitea ai e na tino te ola fou ia Keliho. I tenei auala ko te faifeau e foki katoa tona ola i te galuega i te kamataga, takitakiga, leoleogia ma te fakaolaola o te lotu.
I te 20 Henituli e tokalahi na tino atumotu o te Pahefika na kaumai e ki latou a latou tu ma a latou aganuku ki Niu hila. (Ni tino naunau mo te lotu mate taua o te faifeau e fai ma takitaki, i te fakatukutonuga mate fakaolaolagia o latou ola i te nuku fou). Kua fakataunuku to latou kaukauna kite Atua i na lotu fou na latou kamata. I te 1969 kona tino atumotu o te Pahefika i e nae lolotu i te Lotu Fakalapotopotoga na opo fakatahi mate Lotu Pelepeleane. I tenei feagaiga kua atili manuia ai te lotu i he tahi malamalama, ma te mulimuliga kite Aliki.
Ienei vaitaimi fou ko te Pelepeleane kua maua he fakakupuga fou, kote, "fekau kaukauna takitakiga". E aoga e fakamatala ai te tuaiga fakatakitakiga te e feahoahoani ki kaukauna, ki te galuega ate Atua ienei vaitaimi fou. Kote malamalama ki tenei fakakupuga "fekau kaukauna takitakiga", e manino mai ai kote lotu ka ia mafaia oi matega ni takitaki fou. E fehoahoani ai foki i te akoakoga o ki latou ke fai ma takitaki lelei.
Ko te takitakiga i te fekau fakakaukauna, hove i la kehe tona malamalamaga, mai te tahi tino ki ie tahi tino. Kote "kaukauna" e fakatuha kite uiga o te fakatakitakiga, ka kote "fekau" e fakatuha kite auala te ka kavea ki ei te fakatakitakiga. Ko te hakoga katoa o te fekau kaukauna takiakiga ko te kikilaga mamao, ko tatou e tali ki ei, uiga loloto, mate fai itukaiga kehekehe.
Ko te Kikiliga Mamao
Ko te galuega a te kaukauna takitaki, e he kaukauna mote kaulotu, pe kote lotu Pelepeleane a Niuhila. Kae ko te galulue ma ie tahi i te kaukauna ki te galuega a te Atua.
Ko te fekau a te "kikilaga mamao" e fakamatala ma fakamanino ai na fakamoemoe mana auala a te kaulotu. Ko he kikilaga mamao o te ola mo tagata uma, vena foki te lalolagi katoa. E fakavae i te Tala Lelei mate fekau a Iehu Keliho, fakatahi ai mate takitakiga a te Agaga Paia. E fakamatala ai, ma fakakatoatoa ai te tulaga o te Lotu Pelepeleane i tenei galuega.
Ko te kikilaga mamao ei ei:
- Te iloa oi fakamatala te kehekehega ina mea o te Atua mana mea fou a te lalolagi.
- Ke iloa oi fakamatala ma fakahoaki ina auala e malamalamagia i nei ona po.
- Fakaaloalo na tu ma na taofi, fakaopopo ki ei te naunau mo te lotu o te lumanaki.
- Ni mea fou e he kimoavao, ma e he ni mea he aoga.
- Te agaga mate loto naunau e he fakavaivai ma to ki lalo kafai kua faigata te galuega.
Ko te Tatou Tali ki ei
Kona takitaki e malamalama ko ki latou e fai tali lava kia latou gaoioiga, ko he mea aoga tenei. E malamalama foki ki latou kote tali ki ei e fakamalohi ai te lotu ma e atili fakalototele ai mo tana fekau
Ko te ikuga ko ki latou:
- Galulue i te takitakiga fakalelei.
- Pipiki mau kina tu mana taofi a te Lotu.
- E naunau ma taumafai lava ke sakili te malamalama ma te poto.
- Sakili he fehoahoani mo te galuega.
Kona Uiga Loloto
Ko te takitakiga e he fakamoemoe oi oti kina taleni a te tino; e moni ko ienei mealofa e taua. Kae e tatau foki ke i ei te uiga loloto mate agaga hako. E fakaalia mai ai he tino e ola fakatuatua, ma e fiafia tatalo, ma e pipiki ki te Aliki. Ko ienei takitaki e ola fakatuha kia Keliho. Ko ki latou foki e fakamoemoe lahi kia Keliho, e maua ai e ki latou te atamai mate malohi o Keliho mote tofi kote takitakiga.
Ko Paulo na fakalototelegia te Ekalehia i Filipo ki "Kei i te koutou uma te mafaufau e ve lava nae ia Keliho" (Fili 2:5). Ma na ia fakamatala ai te loto agamalu, amiotonu, agaga kaukauna, ma te uhitaki ki te galuega ma te finagalo o te Atua, e venei na uiga loloto o Keliho.
Kote takitakiga fakamaoni e fakaalia ma kitea ai:
- te fakaaoga lelei ote malohi kae e he honafai pe faikino.
- Pule lelei kae le ko te faka pule fakamalohi.
- Te galue fakamaopoopo ina va ma na kehekehega, fai fakatonu kae e he kote fakamalepe, ma fai ma leo mo ki latou e he lagona he leo.
- He kaukauna e fai fakatuatua te galuega i te lahi ona mea e fakaaoga mo tenei feaku.
Kona Itukaiga Kehekehe
Kote galuega faka faifeau i he kaulotu, e i ei te talitonuga, ko ienei faifeau o te Kupu mate Hakalameta ei te ki latou te tiute o te takitakiga i te lotu. Ko tenei talitonuga e atili venei ona ko te fakamahaniga o te fakakehekehega ona faifeau ma ke kaulotu. Ko ienei kehekehega e he maua i te Tuhi Paia pe kona tulafono a te Lotu.
I te Lotu Pelepeleane, ko te takitakiga e he a ki latou kua fakauku oi oti, na faifeau mana tiakono. Ko te takitakiga ko he mealofa ma he tiute e a te tokalahi o tino i te kaulotu, e maua ai foki na takitaki o te kautalavou, takitaki o te Mafutaga a Matua, vena foki na takitaki ona mafutaga ina akoga e fai ina fale.
E lahi foki te takitakiga faka Kelihiano e fakaaoga e te nofoaga katoa. Kote Feagaiga Fou e he fakakehekehea te galuega i te lotu ma te galuega i te lalolagi katoa. Ko tagata takitaki uma ei eite ki latou foki te valakau a te Atua, e fakamoemoe lava kia latou mealofa ma taleni. Kote Galuega o te Kupu mate Hakalameta, te ia e fai ma takiala mote Tala Lelei, ko he tahi tenei o auala e fai ai te galuega. Kona takitaki uma o te lotu e valakaulia ke fakaaoga tenei takitakiga.
Tala Otooto Fakapukupuku
E talitonu e lahi na auala kehekehe ma taimi kehekehe, kae ei ei lava ni uiga fakapitoa i lototonu o te fakau kaukauna takitakiga.
- E fakaata mai ai he ata i te galue i nei ona po mo Iehu Keliho.
- E tau ma tali ki ei ki te Tala Lelei.
- E fakaata mai he uiga loloto e ati ite ola fakatuatua.
- E mafai ke fai e ho he tino mai na takitaki kehekehe mai te lotu i Aotearoa Niuhila
Key Questions on Leadership for Mission